Mjeku e psikologu

 “ Nje pacient i ankohet mjekut se ka filluar te kete nje gjume te lehte, pak dite me vone i tregon atij se ka filluar te zgjohet naten e me gjithe perpjekjet e tij nuk arrin dot t’i rikthehet gjumit. Dite pas dite gjumi i tij behet me shqetesues.
... Mjeku i pershkruan nje qetesues…..”

Ne nje artikull te  fundit te  “Psicommunity” ( nje website qe bashkon psikologet italiane) thuhet se  te pakten 1 ne 4  te  rritur, afersisht 3 milion e gjysme ne nje vit, vuan nga crregullime psikologjike,  por vetem 3% i drejtohen qendrave te specializuara per te kerkuar ndihme, nderkohe qe referimi i pare eshte   mjeku baze (mjeku i familjes).

 Ne shume raste mjeku, duke mos qene ne gjendje t’i pergjigjet kerkeses komplekse te pacientit, i drejtohet terapise farmakologjike, jo gjithmone te pershtatshme per problematiken e paraqitur.

Nga ana tjeter, konsultimi me nje psikolog behet i veshtire nga nje lloj paragjykimi social e kultural per kete figure ( frika, turpi…..). Kjo ben qe kontakti me sherbimin psikologjik  vjen ne nje faze te renduar ne menyre dramatike.

Studimi i Katedres  Psikomotore te Universitetit “ La Sapienza” ne Rome nen drejtimin e Prof. Solano evidenton  domosdoshmerine e nje perpjekjeje  nderdisiplinore (bashkepunimin  mjek – psikolog),  jo vetem ne momentin e dergimit te pacientit   tek psikologu apo psikiatri, kur  crregullimi psikologjik eshte i dukshem,  por nje bashkepunim qe ne fazen e pare, ate te prezantimit  te pare  te pacientit.

Kuadri klinik  i pacientit, pervec  analizes se simptomave klinike  si dhimje koke, pagjumesi, gjendje ankthi , shqetesime te tjera trupore…..etj.,  ka nevoje edhe per nje analize tjeter, ate psiko-sociale se cila analizon nder te tjera  :

        *Raportin midis individit dhe ambienti qe e rrethon;

        *Analize e momenteve kritike te fazave te ciklit te jetes: adoleshenca, martesa, pleqeria…etj
        * Analize e aftesive qe individi mund te vere ne dispozicion per perballimin e ketyre veshtiresive.

Ne rajonin e Lazio (Itali),   14 studio mjekesore,  per nje periudhe 3 vjecare, ne kuadrin e nje projekti pilot,  kane vendosur prane mjekut te familjes edhe psikologun e familjes. Kjo iniziative  eshte pritur mire nga pjesa me e madhe e pacienteve, ka lehtesuar procesin e kalimit te pacienteve qe i drejtohen sherbimit baze  drejt sherbimit te specializuar te shendetit mendor dhe ka  ulur ne menyre te konsiderueshme perdorimin e   antidepresiveve apo ansiolitikeve.

C'mund te themi per   realitetin shqiptar ?

Sa dhe si  bashkepunon tek ne  mjeku , psikiatri e psikologu...???

Bibliografia:

"Dal sintomo alla persona. Medico e psicologo insieme per l'assistenza di base", a cura di Luigi Solano,  (FrancoAngeli, 2011).

Punoi: Irena Hysenaj

psikologe-psikoterapeute